Gazeta Si – Marash Kumbulla vuri firmën e tij në fitoren 2-0 të Romës ndaj Real Sociedadit në Ligën e Europës. Mbrojtësi kuqezi shënoi golin e dytë për skuadrën e Mourinjos, pas një zhytjeje të bukur me kokë.
Kumbulla lëvizi bukur në zonë dhe gjeti momentin e duhur për të dërguar në rrjetë topin e krosuar nga Dibala nga këndi. Një gol me shumë peshë ky për vetë mbrojtësin shqiptar dhe për Romën, që hedh një hap të rëndësishëm drejt kualifikimit pas ndeshjes së parë.
https://www.ole.com.ar/futbol-internacional/resumen-victoria-roma-real-sociedad_3_6sL9D6oEp5.htmlMbrojtësi shkodran u aktivizua sapo nisi pjesa e dytë e ndeshjes në ‘Olimpico’ dhe bëri një paraqitje të mirë, jo vetëm për golin e shënuar. Goli i sotëm mund të ndikojë për shtimin e minutave për Kumbullën, që deri tani është preferuar shumë pak nga trajneri Mourinjo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
