Gazeta Si – Marash Kumbulla nuk do të jetë në fushë nga minuta e parë në finalen e sotme, që nis në orën 21:00. Ai e nis nga stoli. Trajneri Mourinjo e ka vendosur pak a shumë se cilët lojtarë do të hedhë në fushë nga minuta e parë.
Mbrojtësi kuqezi mund të ketë minuta në pjesën e dytë, në varësi të ndeshjes. Roma do të luajë me Rui Patricion në portë. Sipas shtypit italian, ai në mbrojtje do të aktivizojë treshen Mançini-Smolling-Ibanjez.
Në mesfushë portugezi ka menduar të aktivizojë Kristanten dhe Mkitarianin. Armendi vjen nga një dëmtim, por ka përvojën e duhur për në finale. Në krahë do të luajnë Karsdrop dhe Zalevski.
Në sulm, Zaniolo dhe kapiteni Pelegrini do të mbështesin anglezin Abraham. Dilema e vetme është ajo me Zaniolon. Nëse ky i fundit e nis nga stoli, Mkitarian spostohet përpara dhe në mesfushë futet Oliveira ose Veretu.
Në anën tjetër, te Fejnordi nuk ka asnjë dilemë për trajnerin Arne Slot. Ai do të aktivizojë formacionin e tij tip. Sinistera dhe Nelson do të jenë pas krahëve të sulmuesit Desers.
Tifozët shqiptarë duan të shohin mbrojtësin Marash Kumbulla në fushë. Pse jo dhe duke ngritur lart trofeun. Lojtari kuqezi është gati në çdo moment për Mourinjon.
📍 L'Arena Kombetare attende i giallorossi 🟨🇦🇱🟥#UECLfinal pic.twitter.com/VbOBhJo0Bt
— AS Roma (@OfficialASRoma) May 24, 2022
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
