Në zonat malore të fshatit Baldushk në Tiranë, 25-vjeçari N.S., dhe 39-vjeçari I.Sh., kultivonin bimë narkotike kanabis dhe pasi e përpunonin e shisnin tek persona të ndryshëm.
Të dyshuarit, sipas Policisë së Tiranës e shisnin 1 kilogram kanabis për 700 euro. N.S., është kapur në flagrancë, pasi në makinë iu gjet një sasi kanabisi prej 2.2 kilogramë.
Ndërkohë, bashkëpunëtori i tij I.Sh., është shpallur në kërkim policor. Në banesën e tij policia gjeti një dorezë metalike, doreza plastike dhe maska.
Policia shton se vijon puna për identifikimin dhe kapjen e personave të tjerë të përfshirë në këtë veprimtari kriminale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
