Gazeta Si – Një arritje të madhe ka shënuar sot Kombëtarja shqiptare e minifutbollit, që ka siguruar pjesëmarrjen në Kupën e Botës. Një kualifikim historik ky për kuqezinjtë, të cilët kanë mundur 4-1 Qipron dhe tashmë do të jenë mes më të mirëve të botës në qershor, në aktivitetin që zhvillohet në Esen të Gjermanisë.
Shqipëria e nisi në disavantazh ndeshjen e sotme me Qipron, por arriti të reagonte shpejt me anë të Endri Kacës, i cili barazoi shifrat. Më pas kuqezinjtë kaluan në avantazh me golin e Armand Gapit.
Xhulio Reçi realizoi dy gola të tjerë për kombëtaren kuqezi, duke ‘vulosur’ fitoren e thellë dhe njëkohësisht kualifikimin për në Botëror. Festë e ligjshme për lojtarët dhe stafin e kësaj skuadre, që disa ditë më parë mundi edhe Spanjën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
