.png)
Gazeta Si – Një 37-vjeçar është arrestuar, 5 të tjerë janë proceduar penalisht në gjendje të lirë dhe një 37- vjeçar tjetër është shpallur në kërkim, pasi janë përfshirë në një skemë mashtrimi përmes “Call Center”-ave.
Sipas policisë, këta persona në bashkëpunim me njëri-tjetrin, kishin kthyer një apartament në rrugën “Panorama” në kryeqytet, në qendër “Call Center” dhe mashtronin persona me kombësi të huaj për të investuar në bursa fiktive.
Policia thotë se në pranga ka rënë organizatori i kësaj skeme, L.Xh., ndërsa në kërkim është shpallur 37 vjeçari, R.M., i cili kishte marrë me qira apartamentin, me qëllim për ta përdorur në veprimtari të paligjshme. Operatorët, D. O., 19 vjeç, J. B., 20 vjeç, R. L., 26 vjeç, J. D., 24 vjeçe dhe E. N., 34 vjeçe, po hetohen në gjendje të lirë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
