.png)
Sipas Bankës së Shqipërisë, rezerva valutore ka pësuar një rënie të lehtë duke u ulur në nivelin 0.69% përgjatë 2020 nga 0.71% që ishte në vitin 2019.
Në analizën e BSH-së, nivelet e ulëta të kthimit absolut të rezervës valutore pasqyrojnë vijueshmërinë e një mjedisi me norma të ulëta interesi në tregjet kryesore në të cilat investohet portofoli i rezervës valutore.
Normat e interesit për emetimet e thesarit në Euro, vijojnë të qëndrojnë në terren edhe më shumë negativ krahasuar me një vit më parë.
Për sa i takon investimeve në tituj në portofolin e euros, ato rezultojnë me një normë negative interesi që varion nga -4 pikë bazë deri në -76 pikë bazë.
Rregullorja “Për politikën dhe mënyrën e administrimit të rezervës valutore”, sidoqoftë, ka përcaktuar si objektiva parësorë të procesit të administrimit të rezervës likuiditetin dhe sigurinë. Sigurimi i të ardhurave përfaqëson objektivin e tretë, përsa kohë nuk cënohen objektivat e likuiditetit dhe të sigurisë.
Rezerva valutore është e investuar në aktive likuide, kryesisht me afat maturimi 0 deri në 3 vjet. Megjithatë, pesha e instrumenteve të borxhit me afat mbi 5 vjet, është rritur dhe përfaqëson rreth 7% të portofolit të rezervës në mbyllje të vitit, kundrejt rreth që zinte 1% në vitin 2019.
Sipas BSH-së, në fund të vitit 2020 Euro përbënte 64.9% të rezervës valutore, e ndjekur nga Dollari amerikan me 19%.
Në fund të vitit të kaluar, rezerva valutore e Shqipërisë kishte vlerën e 3.94 miliardë eurove. Vlera e mjeteve të rezervës valutore të vendit u rrit 17.3% me bazë vjetore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje