Gazeta Si – Kampioni i botës, Maks Vershtapen, e nisi nga vendi i 10-të garën e Hungarisë dhe e kaloi i pari finishin. Një kryevëpër e holandezit, me një rikuperim të jashtëzakonshëm.
Për Maks Vershtapen ishte fitorja e 8-të e sezonit. Në pod janë ngjitur edhe dy makinat Mercedes, Hemilton i dyti dhe Rasëll i treti. Ferrari në vështirësi me strategjitë, Sainz në vend të 4-t dhe Leklerk në vend të 6-të, që do të thotë se humb edhe shpresat e fundit për titull.
Heading into the summer break on a high! 😎🏖#HungarianGP @redbullracing pic.twitter.com/BJkxz0tUkf
— Formula 1 (@F1) July 31, 2022
Ishte vërtet një kryevepër ajo e Vershtapen, që i lë të gjithë të heshtur. Një paraqitje për t’u mbajtur mend. Holandezi, me një skuadër perfekte, ‘vrau’ garën, të gjithë kundërshtarët dhe sidomos dy ferraristës, si dhe gjithë sezonin. Ishte fitorja më impresionuese për kampionin e botës.
U nis nga vendi i 10-të për shkak të problemeve të makinës të shtunën. Madje edhe me një rrotullim në garë, por ai gjeti menjëherë trajektoren dhe u rinis më fuqishëm se më parë.
Ka edhe një lajm tjetër të keq për Ferrarin. Dy makinat Mercedes që mund të ktheheshin kompetitive, me shpresën për t’i marrë pikë Vershtapenit, janë bërë vërtet të tilla papritur. Por pikët në fakt ia kanë marrë Ferrarit. I njëjti pod si në Francë. Duhet theksuar se këtë herë Hemilton u nis i 7-i.
Për Vershtapen është fitorja numër 28 në karrierë. “Shpresoja t’i afrohesha podit, por fitores ndoshta jo. Nuk e kisha menduar. Edhe me një rrotullim 360 gradë ia dola të fitoj”, – ka thënë holandezi pas garës. Vërtet një kryevepër.
Your final top 10 before the summer break! #HungarianGP #F1 pic.twitter.com/qu1bk2Za9K
— Formula 1 (@F1) July 31, 2022
Botërori udhëhiqet nga Maks Vershtapen me 258 pikë, Leklerk është pas tij me 178 pikë. Diferenca është 80 pikë, shumë e madhe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
