Nga Gazeta ‘Si’-Kryetari i Parlamentit të Serbisë, Vladimir Orlliç ka reaguar pas situatës në veri. Orlliç ka shtuar se kryeministri i Kosovës, Albin Kurti është përgjegjës për çfarëdolloj dhune, dhe se është ngutur për t’i fajësuar serbët për zhvillimet në Banjskë të Zveçanit.
“E keni parë reagimin e Albin Kurtit, i cili menjëherë filloi, nxitoi të akuzonte serbët, duke thënë se ishte një veprim i organizuar. Nëse flasim se kush është përgjegjës për çfarëdo lloj dhune – është ekskluzivisht Albin Kurti dhe këtë e dinë të gjithë.
Dhe gjithçka që ai ka bërë në muajt e kaluar me terrorin më brutal të mundshëm që ka kryer kundër popullit duarzbathur serb, ai e bëri pikërisht sepse donte një përshkallëzim të hapur dhe sepse donte të shkaktonte dhunë”, ka thënë Orliç për median serbe “TV Prva”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
