Gazeta Si – Kryeministri i Shqipërisë, Edi Rama, pritet të udhëtojë të martën drejt Turqisë për një vizitë zyrtare. Ai do të takohet në Ankara me presidentin turk, Rexhep Taip Erdogan.
Dy krerët e shteteve pritet që të firmosin disa marrëveshje, ndërsa detajet do të mësohen gjatë vizitës së Ramës në Turqi. Në këtë vizitë kryeministri i vendit do të shoqërohet nga ministri i punëve të Jashtme, Igli Hasani.
Vizitat e Ramës në Turqi kanë qenë të shpeshta. Ai e konsideron një mik të çmuar presidentin turk Erdogan, i cili erdhi në Shqipëri në janar të 2022-shit, kur inauguroi apartament e reja në Laç, dhuratë e Turqisë pas tërmetit që goditi vendin tonë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
