Kryetarja e LSI-së, Monika Kryemadhi zhvilloi një bashkëbisedim me disa banorë të Vorës.
“Ne nuk i ndihmojmë njerëzit me mashtrime siç bëjnë ata, ne i ndihmojmë njerëzit me vepra, me program. Jemi të qartë.
Kur ishim dje në Fier, na thanë: ‘Po na vijnë, po na premtojnë për tu futur në punë, po na thonë do t’ju japim para…’ Unë i thashë; ‘Këta që ju kanë gënjyer për 8 vjet, se i gënjyet ju një ditë…lekët merrini, hyni në punë, nuk fëlliqesh me Ed Ramën që ka 8 vjet që të rren, se e rren ti një ditë”, u tha Kryemadhi.
Ndërsa bëri thirrje për pjesëmarrje në votim, Kryemadhi shtoi: “…Duhet të marrë fund njëherë e përgjithmonë blerja e varfërisë apo e nënshtrimit të shqiptarëve ditën e zgjedhjeve, dhe unë mendoj që sot pika më e fortë nuk është më thjesht vajtja te kutia e votimit për të votuar për një parti politike. Ne sot duhet tu bëjmë thirrje qytetarëve që të shkojnë në kutinë e votimit për të ndëshkuar me votë atë që e ka gënjyer, atë që i ka grabitur pronën, atë që e ka keqtrajtuar dhe të vlerësojë me votë që i është gjendur pranë në momente të vështira, atë që ka mbajtur premtimet në marrëdhënie me ta”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
