Nga Gazeta ‘Si’- SPAK i është përgjigjur kërkesës së Partisë Demokratike e cila më herët i kërkoi informacion nëse janë nisur hetime për krimet zgjedhore nga Task Forca që u ngrit në janar 2025.
Në shkresën drejtuar PD-së, Dumani thekson se SPAK ka regjistruar 18 procedime penale gjithsej për krimet zgjedhore, ndërsa 5 prej tyre janë regjistruar kryesisht.
“Për periudhën janar 2025 deri aktualisht, në Prokurorinë e Posaçme kundër Korrupsionit dhe krimit të Organizuar janë regjistruar gjithsej 18 procedime penale që lidhen me krimet zgjedhore.
Nga 18 procedime penale të regjistruara gjithsej për krimet zgjedhore, 5 prej tyre janë regjistruar kryesisht”, thuhet në shkresë.
SPAK ka lajmëruar më herët se gjatë fushatës zgjedhore të 11 majit do të ketë në monitorim edhe krimet zgjedhore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
