.png)
Nga Gazeta ‘Si’- Një takim mes presidentit rus Vladimir Putin dhe presidentit amerikan Donald Trump pritet të zhvillohet në ditët në vijim, sipas një deklarate nga Kremlini.
Lajmi është bërë i ditur nga këshilltari për çështje të jashtme i Putinit, Yuri Ushakov, i cili konfirmoi se palët kanë arritur një marrëveshje parimore dhe tashmë kanë nisur përgatitjet për samitin, raporton Sky News.
Vendndodhja e takimit është caktuar, por do të bëhet publike në një moment të mëvonshëm.
Ushakov shtoi se ideja për një takim dypalësh u propozua nga pala amerikane gjatë bisedimeve të djeshme mes Putinit dhe të dërguarit special të SHBA-së, Steve Witkoff.
Ndërsa është diskutuar edhe mundësia e një takimi trepalësh me përfshirjen e presidentit ukrainas Volodymyr Zelensky, Moska nuk ka dhënë ende një koment zyrtar për këtë opsion.
Data e saktë e takimit Putin–Trump nuk është bërë publike, por sipas Kremlinit, ai mund të mbahet që javën e ardhshme, në varësi të përgatitjeve logjistike që janë në proces.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
