Nga Gazeta ‘SI’ – Kreditë me probleme u shtuan përsëri edhe në muajin shkurt, me 0.15 pikë përqindje nga janari, duke arritur 5.16% ndaj totalit.
Rritja e kredive me probleme lidhet me normat e larta të interesit dhe goditjes së aftësisë paguese të kredimarrësve, duke ndikuar nga afatin e pagesës.
Ky ishte një fenomen i parashikuar edhe nga Banka e Shqipërisë disa muaj më parë, që paralajmëronte rritjen e këtij treguesi. BSH parashikonte që 70% e kredive do të preken nga rritja e normës, sepse ishin me normë të ndryshueshme. Kjo është negative edhe për vetë bankat tregtare që detyrohen të paguajnë provigjione ndaj bankës qendrore.
Raporti i kredive me probleme gjithsesi, qëndron në nivele më të ulëta krahasuar me të njëjtën periudhë të një viti më parë, kur qëndronte në nivelin 5.39%.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
