.png)
Nga Gazeta 'SI' - Indeksi i kostos së ndërtimit në Shqipëri është reduktuar dhe është rritur më ngadalë gjatë muajve të parë të 2024-s. INSTAT raporton se Indeksi u rrit 3.4% në tremujorin e parë 2024 dhe 5.3% në të njëjtën periudhë të 2023-shit.
Kontribuesit kryesor në indeks ishin shpenzimet e energjisë, 7.5%, pagat 4.4%, transporti 3.7% etj. Në raport tremujorësh, nga fundi i 2023-shit në fillim të 2024-s, INSTAT thotë se rritja më e madhe ndodhi në treguesin “kosto të tjera” por nuk i përcakton ato, me 1.2%.
Nga ana tjetër, indeksi Fischer, që mat Banka e Shqipërisë, tregon po ashtu një relaksim të çmimeve të banesave. Në 2023-shin ritmi rritës i çmimi komercial të pronës ra, pas arritjes së kulmit në 2022-shin. Kostot fillestare të ndërtimit diktojnë direkt çmimin fundor të banesës.
Në anketën që kryen Banka e Shqipërisë për besimin në ekonomi, prej disa muajsh, ndërtimi shfaqet pesimist. Ndonëse presin rënie të aktivitetit, ndërtuesit presin rritje çmimesh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
