Pas arritjes së 4 mijë e 680 dozave të vaksinës Pfizer/Biontech, Kosova po vazhdon sot vaksinimin e punonjësve të shëndetësisë.
Vaksinimi po bëhet në sallën “1 Tetori” në Prishtinë, duke filluar nga ora 10:00. Ditën e djeshme, ministria e Shëndetësisë pranoi pjesën e parë të 95.000 doza të vaksinave, që Bashkimi Europian ka ndarë për Kosovën në kuadër të mbështetjes së vendeve të Ballkanit Perëndimor në vaksinimin kundër COVID-19.
Me rekomandim të Komitetit për vaksinimin kundër COVID-19, këto doza të vaksinës Pfizer/Biontech do të përdoren për vaksinimin e punonjësve shëndetësorë, të cilët nuk kanë mundur të vaksinohen në fazën e parë të vaksinimit.
Situata epidemiologjike në Kosovë po përmirësohet , pasi gjatë ditëve të fundit është vënë re një ulje në numrin e rasteve pozitive.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
