Nga Gazeta ‘Si’ – Qeveria e Kosovës ka dorëzuar në Bruksel komentet mbi dokumentin e planit të sekuencimit të marrëveshjes për normalizim të marrëdhënieve me Serbinë.
Këshilltari i kryenegociatorit të Kosovës, Besnik Bislimi, Klisman Kadiu, tha se Qeveria e Kosovës i ka dërguar komentet e saj në Bruksel, sipas afatit.
Kryeministri i Kosovës, Albin Kurti dje lidhur me dialogun tha se “në vend që të kemi kërkesa për zbatim të marrëveshjes, duhet të kemi respektim të saj” ngase, sikundër tha ai, “nuk do të mund të kemi zbatim të vërtetë e as të qëndrueshëm, nëse nuk do të kemi respektim të sinqertë e serioz të marrëveshjes.”
Më tej Kurti bëri të ditur se Serbia ka shkelur marrëveshjen siç u shpreh ai, për çdo javë, prej se është pranuar në shkurt, përkatësisht në marsin e vitit të kaluar, duke kulmuar me atë letrën e Bernabiçit, atë kohë kryeministre e Serbisë, në mes të muajit dhjetor drejtuar shteteve anëtare të BE-së, ku thuhej se Serbia nuk vjen në konsiderim pavarësia për Kosovën, ulësja në OKB dhe integriteti territorial i Kosovës etj.
“Pra ne insistojmë në respektim të marrëveshjes dhe zbatim të saj dhe për këtë gjë nevojitet nënshkrimi, sepse do të ishte garanci e sinqeritetit, serioziteti, e mirëbesimit për zbatim të marrëveshjes dhe do të spostonte të gjitha ato shkeljet me mëhershme”, deklaroi Kurti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
