Kosova do të nisë nesër(7 dhjetor) drejt Gjermanisë dhjetëra mostra për testim të variantit Omicron dhe rezultatet pritet që të vijnë brenda dy-tre javëve.
Lajmi është konfirmuar nga drejtori i Departamentit të Mikrobiologjisë në Institutin Kombëtar të Shëndetësisë Publike, Xhevat Jakupi.
“Po, nesër do të nisen dhjetëra mostra për testim të variantit Omicron. Numri i saktë i mostrave do të dihet nesër në mëngjes. Rezultatet i presim pasi të përpunohen në laborator atje në Gjermani”, ka thënë shkurt Jakupi.
Varianti Omicron, i shfaqur për herë të parë në Afrikën e Jugut, është konsideruar “shqetësues” nga Organizata Botërore e Shëndetësisë. Kjo ka bërë që shumë vende të ashpërsojnë masat anti-COVID për të frenuar një valë tjetër të mundshme.
Ky variant është përhapur edhe në vendet e afërta me Kosovën, si në Kroaci apo Greqi.
Qeveria e Kosovës njoftoi për masat e reja anti-COVID, të cilat kanë hyrë në fuqi ditën e sotme,6 dhjetor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
