Gazeta Si – Katër zyrtarë dhe ish-zyrtarë të Bashkisë Dimal, janë dërguar për gjykim me vendim të SPAK të akuzuar për korrupsion për lejet e ndërtimit.
Përgjegjësi i shërbimeve pranë Bashkisë Dimal, Arben Guraj, drejtori i Zyrës së Urbanistikës Altin Pali, shefi i IKMT-së, Agim Çunaj dhe Valentina Jançe, ish-shefe e urbanistikës u dërguan për gjykim nën akuzën e korrupsionit dhe shpërdorimit të detyrës.
Në gjykim u dërguan edhe Vait Koshi, menaxher i një subjekti privat dhe Arjan Demiri, inxhinier.
Hetimet nisën në nëntor 2020 pas denoncimit të një qytetari që iu prish një biznes privat nga bashkia me pretendimin se do të ngrihej një lulishte, por në të njëjtin vend u ngrit një tjetër biznes nga një shtetas me të cilin kallëzuesi kishte një konflikt pronësie.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
