Koronavirusi i ri po tremb të gjithë planetin dhe efektet e këtij virusi janë ndjerë edhe në botën e sportit. Nisja e kampionatit kinez të futbollit është shtyrë, kampionati botëror i skive është anuluar, çmimet e mëdha në Formula 1 dhe Formula E janë në rrezik, ndërsa skuadra e futbollit të Wuhan, qytetit ku shpërtheu virusi nuk po gjen kundërshtarë për të zhvilluar ndeshje miqësore.
Futbollistët e Wuhan Zall po zhvillojnë fazën përgatitore në Malaga të Spanjës, ndërsa ishte parashikuar të zhvillonin një ndeshje miqësore me skuadrën ruse të Krasnodar, që e kanë anuluar
“Lojtarët e mi nuk janë bartës të virusit, por futbollistë”, ka thënë trajneri i skuadrës kineze, spanjolli José Gonzalez, i cili theksoi se skuadra është larguar nga Wuhani që prej 3 janarit. “Periudha e inkubacionit ka kaluar, por ne kemi edhe një mjek në kontakt me autoritetet spanjolle të shëndetësisë për gjendjen e lojtarëve”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
