Ashtu siç u paralajmërua nga mediat italiane, ndeshja e kthimit e gjysmëfinaleve të Kupës së Italisë që duhej të luhej në Allianz Stadium të mërkurën në mbrëmje, është shtyrë në një datë për t’u përcaktuar.
Prefekti i Torinos ka vendosur që për çështje sigurie publike kjo ndeshje të mos zhvillohet as me dyer të mbyllura e si rrjedhojë, është vendosur që sfida të shtyhet për një datë ende të papërcaktuar.
Fillimisht ishte vendosur që ndeshja të luhej pa tifozë, e pastaj vendimi ndryshoi dhe u tha se tifozët do të lejoheshin në stadium, përjashtuar ata që vijnë nga zonat më të prekura nga sëmundja e përhapur me shpejtësi në Itali, si Lombardi, Emilia-Romagna dhe Veneto.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
