Infermieri i Spitalit të Korçës, Nikolin Ciko, është lënë në burg. Ai u arrestua pak ditë më parë për vjedhje të medikamenteve dhe pajisjeve me vlerë mbi 10 milionë lek të vjetra, në farmacinë e spitalit të qytetit.
Barnat dhe pajisjet e vjedhura prej tij shërbenin për trajtimin e pacientëve me COVID-19 dhe me sëmundje tumorale.
Pas arrestimit, infermieri 46-vjeçar ka deklaruar edhe shkakun e kësaj vepre kriminale, duke thënë se kishte borxhe dhe kredi për të larë. Nikolin Ciko punonte si infermier në urgjencën e spitalit dhe kujdesej për pacientët e sëmurë me Covid 19.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
