.png)
Gazeta Si - Edhe pse data shënon mesin e muajit mars, duke prekur në një farë mënyre stinën e pranverës, i gjithë qarku i Korçës është përfshirë nga reshjet e dëborës me intensitet mesatar.
Në rrugën e Dardhës, trashësia e dëborës ka arritur deri në 10 cm, ndërsa në aksin rrugor Korçë-Ersekë, konkretisht në Qafën e Qarrit reshjet kanë arritur deri në 7 cm.
Reshjet e borës kanë përfshirë Korçën dhe zonat malore të juglindjes më saktësisht segmentin e Dardhës, Qafa e Qarrit aksi Korçë - Ersekë, por edhe në rrugën Korçë – Voskopojë.
Gjithsesi akset rrugore nacionale dhe turistike janë të hapura për qarkullim pasi është punuar me mjet borëpastrues dhe zonat problematike janë kriposur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
