Gazeta Si – Gjatë orëve të vona të natës, pothuajse në të gjitha lokalet dhe automjetet që qarkullonin në rrugët e qytetit Peqinit janë ushtruar kontrolle të imtësisshme nga policia.
Sipas burimeve paraprake, këto kontrolle kanë pasur si qëllim kapjen e personave që mbajnë me armë zjarri pa leje dhe që shpërndajnë lëndë narkotike.
Në fokus të kontrolleve, ishte edhe kapja e atyre personave të cilët janë të shpallur në kërkim për vepra të ndryshme penale.
Burime jo zyrtare bënë me dije se kohët e fundit në Peqin janë shtuar kontrollet që synojnë identifikimin dhe kapjen e personave që kanë probleme me ligjin.
Gjatë kontrolleve të ushtruara nga policia natën e të martës ka patur edhe kundërshtime të pronarëve të lokaleve si edhe të qytetarëve të ndryshëm për mënyrën sesi ka vepruar policia.
Disa persona ndërkaq janë shoqëruar për verifikim në Komisariatin e Policisë së Peqinit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
