Gazeta Si – Ka një hetim për këto klube, pasi ka dyshime për lëshim faturash për operacione që nuk janë bërë kurrë dhe deklarim të rremë nëpërmjet tyre.
Selitë e Romës, Lacios dhe Salernitanës janë kontrolluar sot nga financierët e sektorit të Policisë Ekonomiko-Financiare të ‘Guardia di Finanza’ të Romës, me autorizim të Prokurorisë. Kontrolli është bërë për të vërtetuar dokumentacionin kontabël që ka të bëjë me shitjen e futbollistëve.
Hetimi për Romën u referohet operacioneve të merkatos së periudhës 2017-2021. Për të njëjtën periudhë kanë përfunduar në shënjestrën e hetuesve edhe trasferimet e lojtarëve të ndryshëm mes Lacios dhe Salernitanës.
Klubet dyshohen për veprën e lëshimit të faturave të operacioneve ineksiztente dhe deklarim fals.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
