Një shofer kamioni është arrestuar nga autoritetet britanike, pasi kontabandoi 14 shtetas shqiptare në një kamion që përdoret për të transportuar bagëti.
Mediat raportojnë se Patrick McKinney 23 vjeç, u arrestua pasi policët kufitarë ndaluan një kamion në terminalin e trageteve në Loch Ryan në Dumfries dhe Galloway të mërkurën, 11 dhjetor.
Irlandezi McKinney u arrestua pasi dyshohet se ka lehtësuar hyrjen e paligjshme të 14 shtetasve shqiptarë të fshehur në një kamion bagëtish në kushte të pasigurta.
Zyra e Brendshme tha se hetimet janë ende në vazhdim.
Drejtuesi i Hetimeve Kriminale dhe Financiare të Zyrës së Brendshme, Anthony Hilton tha: “Hetimi ynë mbetet në vazhdim. Ne po bëjmë gjithçka që mundemi për të qenë para kontrabandistëve të njerëzve që shfrytëzojnë kufijtë tanë dhe vënë në rrezik jetën e njerëzve të dëshpëruar për përfitime financiare.”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
