Pas zyrtarizmit si trjneri i ri i Totenhemit, Antonio Konte ka nisur punën për skuadrën që dëshiron të ketë dhe në këtë pikë gjithë vëmendjen e merr lista e lojtarëve që italiani u ka kërkuar pronarëve të klubit londienez para se të firmoste kontratën.
Interi është natyrisht skuadra ku Konte synon të bëjë pazar për të forcuar Totenhemin. Ai u shpall kampion me zikaltrit dhe kërkon që 4 nga titullarët e Interit t’i ketë sërish nën urdhrat e tij në Premier Ligë. Sipas “Tuttosport”, 4 lojtarët e preferuar të Kontes janë Marselo Brozoviç, Stefan De Vrij, Nikolo Barela dhe Lautaro Martinez. Lojtarë që do të përforconin të tre repartet e Totenhemit.
Do të jetë e vështirë, pa dyshim. Lautaro Martinez sapo ka rinovuar me Interin dhe ka më pak gjasa të largohet. Më e lehtë mund të jetë për Brozoviç, i cili ende nuk e ka firmosur rinovimin dhe Konte mund ta joshë me një kontratë më të mirë financiare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
