.png)
Nga Gazeta ‘SI’ – Besimi në ekonomi ra me 0.8 pikë gjatë muajit prill, raporton Banka e Shqipërisë.
Për industrinë, besimi në ekonomi u tkurr me 6.7 pikë përqindje për shkak të një rënie të kërkesës në trgeun e brendshëm dhe të huaj. Në terma të pritjeve për të ardhmen, bizneseve të këtij sektori presin punësim në rritje dhe çmime në rënie.
Besimi i konsumatorëve në ekonomi ra me 1.3 pikë përqindje gjatë prillit. Kjo u ndikua nga pritjet për përkeqësim të ekonomisë, situatës financiare dhe blerjet në shhma të mëdha. Pritjet për nivelin e përgjithshëm të çmimeve dhe punësimin në të ardhmen janë rishikuar lehtësisht për poshtë.
Për ndërtuesit, besimi në ekonomi u rrit me 1.3 pikë përqindje, ndikuar nga një rritje e kërkesës dhe pritjet për rritje të punësimit e çmimeve.
Treguesi i besimit në shërbime u rrit lehtësisht me 0.5 pikë përqindje. Pritjet e bizneseve për punësimin dhe çmimet në të ardhmen janë gjithashtu me rritje. Treguesi i besimit në tregti ka shënuar rritje me rreth 0.8 pikë përqindje, ndikuar kryesisht nga vlerësime optimiste për punësimin në të ardhmen. Gjithashtu, pritjet e tyre për ecurinë e biznesit dhe ato për çmimet në të ardhmen kanë regjistruar rritje këtë muaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
