Gjykata Administrative konfirmon gjobën prej 46 mln lekësh të vendosur nga Autoriteti i Konkurrencës ndaj kompanisë ‘EKMA’ e cila administron tregun Agro-Ushqimor në Tiranë.
Gjykata ka vendosur se gjoba e Autoritetit të Konkurrencës për kompaninë ka qenë i bazuar, pasi ‘EKMA’ abuzon në kurriz të tregtarëve me tarifa dyfish.
Autoriteti i Konkurrencës ka pezulluar në muajin shtator 2018 veprimtarinë e ndërmarrjes EKMA Albania SHPK e cila ushtronte aktivitetin e saj në pozita monopol.
EKMA SHPK është një firmë që vepron në tregun e dhënies me qira të mjediseve për magazinimin e produktuteve agro-ushqimore në qytetin e Tiranës.
Nga hetimi paraprak i Autoritetit të Kokurrencës do të rezultonte që veprimtaria e kësaj ndërmarrjeje ka dëmtuar tregtarët, që duke mos gjetur aletrnativë tjetër në treg, kanë pranuar çmimet e larta të EKMA Albania SHPK.
“’EKMA’ faturon qira të lartë e dyfishon çmimin e ujit dhe energjisë” citohej në raportin e Autoritetit të Konkurrencës.
Vendimi është marrë nga gjyqtari Avni Sjedi, i cili më parë ka pezulluar ekzekutimin e gjobës, por pas përballjes së re me prova nga Autoriteti i Konkurrencës për pozitën dominuese të EKMA-s në treg vendosi që të konfirmonte gjobën me vlerë 46 mln lekë.
Vendimi i Gjykatës i hap rrugë vjeljes së gjobës nga Autoriteti Konkurrencës. Kompania EKMA cila administron tregun e Shumicës Agroushqimore është në bashkëpronësi të biznesmenit Klodjan Allajbeu e Haxhi Bardhi,.
Autoriteti i Konkurrencës i përfaqësuar nga avokati Indrit Rekan ka deklaruar në seancën gjyqësore se gjoba është e drejtë dhe duhet të mbetet në fuqi. Ai e argumentoi kërkesën duke deklaruar se EKMA abuzon ndaj tregtarëve me faturim prej 20.5 lekësh për kë/h për energjinë elektrike ndaj tregtarëve dhe 360 lekë m3 për ujin kur çmimet janë disa herë më të lira.
Gjithashtu Autoritetii i Konkurrencës e mbështeti kërkesën e saj në një tjetër argument duke thënë se EKMA ka një monopol dhe kontratat e qirasë i ka vetëm me penalitetet ndaj tregtarëve dhe asnjë detyrim si qiradhënës.
Edhe Avokatura e Shtetit mbajti të njëjtin qëndrim.
Nga hetimi rezultoi se ndërmarrja EKMA Albania operon e vetme, pra ka pozitë dominuese.. Referuar bilancit të ndërmarrjes, vlerës së shitjeve në tregun përkatës, ndërmarrja EKMA Albania ka fuqi ekonomike e financiare, e cila mund të shkaktojë kufizime të mundshme të konkurrencës në tregun përkatës. Sipas autoritetit pozita aktuale i krijon ndërmarrjes mundësinë që të maksimiziojë fitimet duke vendosur çmime shumë të larta, të cilat nuk justifikojnë vlerën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
