Gazeta Si – Eduart Kondi është lënë në burg, pasi tre ditë më parë qëlloi me armë në ajër pas një konflikti me vëllain e tij për administrimin e një plazhi në Radhimë të Vlorës.
Gjykata ka vendosur masën e sigurisë “arrest me burg” ndaj 34-vjeçarit, i cili shkaktoi panik mes pushuesve vendas dhe të huaj në mes të ditës.
Seanca është zhvilluar ditën e djeshme pa praninë e avokatit, Bilbil Maskaj, i cili është paraqitur në ambientet e drejtorisë së Policisë Vlorë për t’u interesuar për klientin e tij.
Ngjarja ndodhi mesditën e 4 korrikut, ku dy vëllezër, Beniamin Kondi dhe Eduart Kondi që janë pronarë të një plazhi privat në zonën e Radhimës u konfliktuan.
I gjithë sherri ka nisur pikërisht për administrimin e zonës së lokalit në plazh, ndërsa situata ka degraduar deri në nxjerrjen e armës.
Ka qenë Eduarti, ai që ka nxjerrë armën andaj të vëllait 45-vjeçar dhe ka qëlluar në ajër me 6 plumba.
Turistët u shprehen se u ndjenë të frikësuar nga të shtënat dhe u larguan menjëherë më vrap.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
