Gazeta Si – Pesë persona janë proceduar në gjendje të lirë, pasi kanë nxjerrë nga banesa dy motra me pretendimin e banesa është e tyre.
Shtetasit me iniciale G. L. 50 vjeçe, Sh. G. 59 vjeçe, banuese në Tepelenë dhe V. C. 60 vjeçe, A. G. 34 vjeç e A. I. 42 vjeçe, banues në Tiranë, rezultuan se ishin aktualisht në proces gjyqësor për pronësinë e shtëpisë.
Këta persona më datën 18.08.2022, në fshatin Progonat të Tepelenës kanë hyrë me dhunë në banesën ku aktualisht banon 58-vjeçarja me iniciale A. H. dhe e kanë nxjerrë atë me dhunë nga banesa, për të cilën 5 shtetasit pretendojnë se është në pronësi të tyre.
Për pasojë, është dëmtuar në dorë motra e 58-vjeçares, shtetasja me iniciale V. D.
Për veprat penale “Dhunimi i banesës”, “Vetëgjyqësia” dhe “Dëmtime të tjera me dashje”, materialet në ngarkim të 5 shtetasve i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
