.png)
Gazeta Si - Gjykata e Posaçme e Apelit për Korrupsionin dhe Krimin e Organizuar do të shqyrtojë me 18 maj, ora 12:00, ankimimin e shtetasit Gazmend Mahmutaj për konfiskimin e pasurive.
Gazmend Mahmutaj është vëllai i deputetit të Partisë Demokratike, Kasem Mahmutaj, i cili është përfshirë nga GJKKO në vendimin për sekuestrimin e pasurisë.
Trupi gjykues përbëhet nga kryesuese gjyqtarja Nertina Kosova dhe anëtarë gjyqtarët Daniela Shirka dhe Dhimitër Lara.
Gazmend Mahmutaj ka qenë i dënuar në Itali, ku ishte akuzuar për prostitucion dhe trafik droge.
Ky vendim për akuzën e shfrytëzimit të prostitucionit është konvertuar në Shqipëri me tetë vjet burg.
Ditën e djeshme gjykata vendosi t’i konfiskojë 22 pasuri të paluajtshme 3 vëllezërve Mahmutaj, ku përfshiheshin dhe ato të deputetit të PD.
Gjykata ka pranuar kërkesën e Prokurorisë për konfiskimin e pasurive të deputetit demokrat Kasem Mahmutaj dhe vëllezërve të tij, pasi ka arritur në përfundimin se zotëruesit e tyre nuk kanë pasur burime të ligjshme dhe për rrjedhojë asetet janë të krijuara nga veprimtari kriminale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
