Gazeta Si – Në garën e radhës në Singapor, Maks Vershtapen ka ‘match point’-in e parë për t’u konfirmuar numri 1 në botë në Formula 1. Piloti holandez i Red Bull-it është gati për festën e titullit të dytë radhazi kampion.
Titulli për kampionin në fuqi është shumë afër, duke parë diferencën prej 116 pikësh që ka ndaj Sharl Leklerk, kur kanë mbetur edhe 6 gara nga fundi i Botërorit 2022.
Këtë fundjavë në Singapor holandezi mund të mbyllë llogaritë, në të kundërt duhet të presë garën e Japonisë, që zhvillohet më 9 tetor. Për Vershtapen nuk do të jetë e lehtë. Ai duhet të fitojë dhe të presë edhe rezultatet e Leklerk dhe Perez.
Kombinimet/ Maks Vershtapen kampion, nëse…
- Vershtapen fiton dhe regjistron xhiron më të shpejtë të garës, Perez nuk shkon më shumë se vendi i 5-të dhe Leklerk renditet nga vendi i 9-të e poshtë.
- Vershtapen fiton, Perez nuk shkon më shumë se vendi i 5-të ose i 6-të në rast të xhiros më shpejtë dhe Leklerk del nga vendi i 10-të e poshtë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
