.png)
Kombëtarja shqiptare e vajzave do të zhvillojë një ndeshje miqësore me përfaqësuesen e Rumanisë. Federata e Futbollit ka rënë dakord me federatën rumune që ky takim të luhet më 3 dhjetor në ora 17:00 në stadiumin “Eugen Popescu” në qytetin e Târgoviștes në Rumani.
Vajzat kuqezi do të nisin grumbullimin nën drejtimin e trajnerit Armir Grima më 25 nëntor në Tiranë, ndërsa tekniku shqiptar do të shpallë listën me futbollistet e grumbulluara pas pak ditësh.
Gjatë periudhës së grumbullimit, stafi teknik ka planifikuar edhe një test miqësor ndaj ekipit të djemve U-15 të Elite Youth Academy. Ky test do të luhet më 28 nentor në ora 14:00 në ambientet e “Shtëpisë së Futbollit”.
Stafi kuqezi ka vendosur që të shfrytëzojë datat e FIFA-s për të zhvilluar këtë grumbullim dhe këtë miqësore kundër Rumanisë, si një mundësi për të testuar skuadrën dhe për të vëzhguar elementet e reja. Pak javë më parë, Shqipëria njohu edhe kundërshtarët e Nations League që janë Çekia, Ukraina dhe Kroacia.
Fushata eliminatore do të nisë në muajin shkurt dhe do të përfundojë në muajin qershor./Panorama
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
