.png)
Gjykata e Posaçme kundër Korrupsionit dhe Krimit të Organizuar (GJKKO) këtë të shtunë ka lënë në fuqi masën e sigurisë arrest me burg për babanë e Arbër Çekajt, Selim Çekajn.
Ky i fundit, do të mbetet në burg, edhe pse SPAK kërkoi lehtësimin e masës së sigurisë nga “arrest me burg” në “arrest shtëpie”.
SPAK kërkoi masën e “arrest në shtëpi”, duke arsyetuar se nga të dhënat e deritanishme nuk ka prova që ai të jetë i përfshirë në çështjet e trafikut të drogës. Sipas prokurorit, derisa të kryhen hetimet, Çekaj duhet të qëndrojë në “arrest shtëpie”.
"Është skandal që një person i vetëm akuzohet për grup të strukturuar kriminal. Selim Çekaj është i sëmurë, ka 5 diagnoza, në gjendje të rëndë", tha avokati Maks Haxhia pas seancës në gjykatë.
Selim Çekaj u vu në pranga, pasi më 1 prill 2021, pasi policia sekuestroi sasinë prej 49 kg kokainë në kontejnerin me banane.
Kokaina fshehur ishte nisur nga porti i Guayaquil në Ekuador me destinacion final Shqipërinë. Sasia e drogës, nuk ishte brenda arkave të bananeve, por ishte fshehur në kolonat anësore të kontejnerit.
Ajo u sekuestrua vetëm tre vite pas sekuestrimit të 613 kilogramëve kokainë në kontejnerët e kompanisë së bananeve të djalit tët tij, Arbër Çekaj. Ndërkohë që 72-vjeçari dispononte kompanine “Ecoalmax” me qendër në Maminas të Durrësit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
