Gazeta Si – Presidentja e Federatës Norvegjeze të Futbollit, Lise Klavenes, ka vendosur të kandidojë për kreun e UEFA-s në zgjedhjet e 5 prillit. Ajo synon të jetë numri 1 i futbollit europian, pasi ka bindjen se është momenti për një kthesë në futboll, edhe etike.
“Dua të kem motivet e duhura për këtë pozicion dhe dua të zgjidhem, duke sfiduar kandidatët meshkuj, sepse futbolli është i të gjithëve, edhe i femrave. Do të jetë shumë e vështirë, e di mirë. Nëse nuk do t’ia dal, do të filloj menjëherë betejën për zgjedhjet e ardhshme pas dy vitesh”, – ka deklaruar norvegjezja.
Realisht për të do të jetë shumë e vështirë përballë presidentit aktual Aleksander Ceferin, që kërkon një mandat tjetër në krye të UEFA-s.
Kujtojmë që në zgjedhjet e 5 prillit kandidon për një vend në Komitetin Ekzekutiv të UEFA-s edhe presidenti i FSHF-së, Armand Duka. Ai është aktualisht anëtar i këtij komiteti dhe kërkon mandatin e dytë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
