.png)
Nga Gazeta Si- Siç ndodh prej kohësh, pas publikimit të lajmit se Kroacia ka kthyer në Shqipëri tonelata pjeshkë dhe domate, ka ardhur edhe reagimi, i vonuar dhe jo i plotë, i Autoritetit Kombëtar të Ushqimit.
Sipas AKU-së, pas njoftimit nga shteti kroat për prani të Nikelit mbi normën e lejuar në pjeshkë, u krye inspektim në subjektin eksportues në Fier, ku rezultoi se nuk kishte më produkt në gjendje.
Sipas AKU, rezultoi se produkti ishte dërguar i gjithi për eksport dhe se nuk ishte shpërndarë në tregun vendas.
AKU thotë se sasia prej 5562 kg që u dërguan drejt Kroacisë është asgjësuar.
Rasti në Kroaci u zbulua më 21 gusht nga autoritetet e Bashkimit Evropian për Sigurinë Ushqimore gjatë kontrollit në kufirin e këtij vendi.
Por në njoftim nuk përmendet rasti i tonelatave me domate nga Shqipëria që u zbuluan në Kroaci në fund të gushtit. Domatet kishin përmbajtje të insekticideve 5 herë më shumë mbi normat e lejuara.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
