.png)
PEKIN – Le të harrojmë (të paktën për një moment) Tajvanin dhe krizën me Shtetet e Bashkuara: Në ueb-in kryesor në Kinë tema e ditës është shëtitja romantike, dorë për dore, e një zyrtari të lartë të gjigantit shtetëror PetroChina me një grua elegante të re që ka një pamje të jashtëzakonshme.
Çifti ndodhej në një rrugë në qendër të Chengdu, kryeqyteti i Sichuan, me mbi 16 milionë banorë. Por një paparac lokal i modës e dalloi atë nga turma dhe publikoi pamjet e kapjes dorë për dore në Douyin, ekuivalenti kinez i TikTok.
Deri këtu asgjë jo normale, madje edhe për ata kinezë të fiksuar pas kulturës hedoniste.
Por çështja mori tjetër rrjedhë kur dikush në Pekin e njohu çiftin e bukur: ai nuk ishte gjë tjetër veçse Hu Jiyong, drejtor ekzekutiv, si dhe sekretar i seksionit të Partisë Komuniste në kompaninë Huanqiu Construction, një degë e PetroChina; pranë tij është zonjusha Dong, një punonjëse e kompanisë.
Problemi është se drejtori Hu është i martuar dhe sigurisht jo me zonjushën Dong.
Pjesa tjetër pastaj e historisë dihet dhe ajo u raportua nga shtypi kinez: kompania e rëndësishme shtetërore shkarkoi drejtorin kurorëshkelës në vend, Partia e pushoi nga detyra e sekretarit dhe një komision disiplinor do të vlerësojë sanksionet e mëtejshme ndaj tij.
This is the TikTok moment that led to the downfall of Chinese top official Hu Jiyong, after a video of a romantic Chengdu stroll with mistress Ms. Dong went completely viral. Posted by a street photographer, netizens soon recognized the married man. He was fired shortly after. pic.twitter.com/POlLhdachK
— Manya Koetse (@manyapan) June 8, 2023
Në atë moment, videoja e shkurtër për Douyin u hodh në Weibo, rrjeti social kryesor i Republikës Popullore, dhe u rendit në krye të listës së shikueshmërisë: 1.2 miliardë klikime në një ditë.
Komenti i Shanghai Daily: “Si anëtar i Partisë Komuniste, Hu kishte detyrime morale të cilat ai i shkeli duke u përfshirë në një lidhje jashtëmartesore…ai u hoq sepse udhëzimet për zyrtarët e ndërmarrjeve shtetërore komuniste vendosnin standarde më të larta sjelljeje sesa qytetarët e zakonshëm” .
Pas nja dy ditësh u mësua se edhe zonja Dong, e cila me sa duket ishte beqare, ka humbur punën.
Partia që i përkiste Mao Ce Dunit dhe që tani drejtohet nga Xi Jinping, mbetet e lidhur me një fasadë respekti.
Por në epokën e internetit, është gjithnjë e më e vështirë të mbash konfidenciale një dalje klandestine, madje edhe në Kinë.
Pekin Daily ishte e shqetësuar për “publicitetin e ekzagjeruar që i është dhënë rastit”, duke vënë në dukje në një koment se historia është kthyer në sensacion, dhe mbi të gjitha është kthyer në formë argëtimi që e vendos çështjen e sjelljes morale të zyrtarëve shtetërorë në plan të dytë.
Njerëzit e rrjeteve sociale nuk u ndalën: u bënë kërkime për fustanin e veshur nga Dong dhe çantën e saj, e cila u shit menjëherë online, ndërsa nuk pushuan memet për çiftin…
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
