.png)
Nga Gazeta Si- Shtetet e Bashkuara kanë identifikuar raste të shumta të një varianti të ri të COVID-19, NB.1.8.1, i cili ka shtuar infeksionet në të gjithë Kinën. Sipas një raporti të fundit, varianti u zbulua përmes programit të kontrollit të aeroportit të CDC-së tek udhëtarët.
Rezultatet tregojnë se udhëtarët e infektuar vinin nga vende duke përfshirë Kinën, Japoninë, Korenë e Jugut, Francën, Tajlandën, Holandën, Spanjën, Vietnamin dhe Tajvanin. Testet u kryen midis 22 prillit dhe 12 majit.
Përveç kontrolleve në aeroporte, departamentet shëndetësore në Ohio, Rhode Island dhe Haëaii kanë raportuar gjithashtu raste të NB.1.8.1. Rastet më të hershme në SHBA datojnë që nga fundi i marsit në Kaliforni dhe Uashington.
Varianti, aktualisht dominues në Kinë, po përhapet në pjesë të Azisë. Hong Kongu ka raportuar nivelet më të larta të COVID-19 në një vit, me rritje të vizitave emergjente dhe shtrimeve në spital. Ndërsa autoritetet e Hong Kongut thonë se NB.1.8.1 nuk duket më i rëndë se llojet e mëparshme, ata kanë këshilluar mbajtjen e maskës në transportin publik.
Tajvani gjithashtu ka raportuar rritje të rasteve të rënda dhe vdekjeve, duke e shtyrë qeverinë të rikthejë vaksinimin masiv.
Gjatë një takimi të kohëve të fundit, prodhuesit e vaksinave Pfizer dhe Moderna paraqitën të dhëna që tregojnë se vaksinat e përditësuara që synojnë variantin LP.8.1 mund të ofrojnë mbrojtje kundër NB.1.8.1.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
