Gazeta Si – Për Xi Jinping, arritja e vetë-mjaftueshmërisë kineze në teknologji ka qenë prej kohësh një prioritet kryesor strategjik.
Sekretari i Partisë Komuniste, jo vetëm që aspiron që Kina të jetë në gjendje, brenda pak vitesh, të çlirohet nga importet e komponentëve themelorë – duke filluar nga gjysmëpërçuesit e avancuar – por që të bëhet lider botëror nga mesi i shekullit (nëse jo më shpejt ) në terren.
Arsyet janë ekonomike, ushtarake dhe gjeopolitike: në fakt, Pekini është i bindur se, herët a vonë, Shtetet e Bashkuara të Amerikës do t’i mohojnë aksesin në teknologjitë e tij.
Deri më tani, Kina ka korrur rezultate të mira. Në disa sektorë, duke filluar nga ai i çipave, pesha e tij globale është ende më e ulët se ajo e Shteteve të Bashkuara, Tajvanit dhe Koresë së Jugut: prodhuesit kryesorë mbeten “Taiwan Semiconductor Manufacturing Co.”, koreania “Samsung” dhe amerikania “Intel”.
Por megjithatë, Pekini po bën hapa të rëndësishëm përpara. Kështu, që Joe Biden po punon për jëtë gjë dhe më 22 shkurt, Shtëpia e Bardhë zbatoi një plan prej 53 miliardë dollarësh që do t’u garantojë kompanive si stimuj për ndërtimin e fabrikave të prodhimit në SHBA, ashtu edhe fonde për kërkime dhe trajnime profesionale.
Në fusha të tjera, megjithatë, Kina është tashmë aktualisht në krye. Para së gjithash, në rrjetin 5G, të zhvilluar nga “Huaëei” falë 180 miliardë dollarëve financim shtetëror dhe tashmë i përhapur shumë përtej kufijve kombëtarë.
Deri në atë pikë sa vetë “Huawei”, së bashku me kompani të tjera kineze, janë përfshirë në listën e subjekteve potencialisht kërcënuese për sigurinë kombëtare të Shteteve të Bashkuara që nga viti 2019.
Por rrjeti 5G është vetëm një nga shumë fusha ku kërkimi kinez është më i avancuari globalisht.
Konfirmimi vjen nga një raport i publikuar të martën nga Instituti Australian i Politikave Strategjike, i cili mori në konsideratë ushtrinë, hapësirën ajrore, robotikën, teknologjitë e lidhura me “AI” dhe mjedisore: në 37 nga 44 fusha teknologjike, Kina është më e përparuar se SHBA.
Që do të thotë se “jo vetëm që Pekini do të jetë në gjendje të shkëlqejë në të gjithë këta sektorë, por edhe të udhëheqë zhvillimin e teknologjive që ende nuk ekzistojnë”, shpjegon raporti.
Madje në tetë të tilla ekziston rreziku që supremacia kineze të marrë të gjitha karakteristikat e një monopoli.
Ndoshta, rezultati i kësaj përballjeje – sipas institutit, asnjë vend tjetër në botë nuk mund të konkurrojë me Uashingtonin dhe Pekinin kur bëhet fjalë për teknologjinë – nuk është vendosur ende.
Sepse, nëse është e vërtetë që për sa i përket kërkimit akademik, Kina pret shumë ekselenca, depoziton dy herë më shumë licenca amerikane dhe po tërheq qindra studiues në atdheun e saj (vetëm në vitin 2021, mbi 1400 shkencëtarë kinezë u larguan nga universitetet dhe kompanitë amerikane për t’u kthyer në vendin e origjinës), është gjithashtu e vërtetë se kur bëhet fjalë për kalimin nga teoria në praktikë, Kina has më shumë se një vështirësi.
Për shembull, në fushën e motorëve reaktivë: 7 nga 10 qendrat kërkimore më të vlerësuara në botë ndodhen në Kinë, por inxhinierët që supozohet të ndërtojnë ata motorë, shpesh nuk janë në gjendje ta bëjnë këtë dhe kështu nuk ka zgjidhje tjetër përveç se për t’i blerë jashtë vendit.
E njëjta gjë vlen edhe për industritë e tjera kyçe: jo vetëm gjysmëpërçuesit, por edhe informatikë kuantike dhe kërkime të kujdesit shëndetësor. Pra, gara është në vazhdim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
