Një aksion policor i koduar me emrin “Kimistja 2”, ka vënë në pranga një 24-vjeçare në Tiranë, e cila shpërndante lëndë narkotike sintetike.
Policia kishte informacion se D.Z., iu shiste drogë sintetike të llojeve të ndryshme klientëve në lokalet e natës, kryesisht në zonën e Porcelanit, Pazarit të Ri dhe në ish-Bllok. Droga shitej kundrejt çmimit 10 mijë lekë të vjetra, deri në 100 mijë lekë të vjetra një kokërr.
Gjatë kontrollit fizik dhe në banesë, 24-vjeçares iu gjetën dhe iu sekuestruan në cilësinë e provës materiale doza me lëndë të dyshuar heroinë, ekstazi, metadon dhe një aparat celular.
Gjithashtu, asaj i është sekuestruar edhe një lloj droge në formë të lëngët, të cilën e shpërndante me shiringë, që zakonisht përdoret nga moshat e reja, duke e tretur në pije.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
