Një punonjës policie është arrestuar për shpërdorim detyre, pasi akuzohet se ka mashtruar një qytetar nga Elbasani. Në pranga ka rënë S.F., me detyrë N/Specialist në Njësinë FAST Albania në Drejtorinë e Përgjithshme të Policisë së Shtetit.
Mësohet se polici ka paraqitur gjithashtu të dhëna të rreme para Oficerit të Policisë Gjyqësore.
Punonjësi i policisë, dyshohet se ka mashtruar shtetasin K.H duke i thënë se nëse donte që të mos arrestohej nga njësia e tij FAST për llogari të drejtësisë italiane, duhet t’i paguante 7 mijë euro.
Por nga verifikimet policore doli se personi nuk kishte asnjë problem me drejtësinë italiane.
Në cilësinë e provës materiale u sekuestruan një armë zjarri pistoletë e markës e dy aparate celularë.
Tashmë polici 26-vjeçar akuzohet për kryerjen e veprave penale “Mashtrim” i mbetur në tentativë, “Shpërdorim i detyrës”, “Kallëzim i rremë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
