Në Shkodër, policia ka parandaluar një konflikt në familje që mund të kishte pasoja të rënda. Në një njoftim për mediat, mësohet se është arrestuar një 60-vjeçar, i cili tentoi të godiste me mjet prerës bashkëshorten dhe e kërcënonte se do ta vriste me armë zjarri.
Policia ka shkuar në banesën ku po ndodhte konflikti dhe kanë neutralizuar 60-vjeçarin me iniciale, P.B., të cilit i është sekuestruar dhe një armë zjarri kallashnikov, 140 fishekë luftarak dhe gërshërët me të cilat kërcënonte bashkëshorten.
Tashmë çështja ka kaluar në duart e prokurorisë dhe do të hetohet për veprat penale “Kanosja”, ”Dhuna në familje” dhe “Armëmbajtja pa leje”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
