.png)
Anëtari i Kryesisë së PD-së, Belind Këlliçi, i bëri thirrje kreut të SPAK-ut, Altin Dumani, që t'u kërkojë prokurorëve Prençi dhe Braho, që dosja e inceneratorit Tiranë dhe ajo "5D", të trajtohen si grup i strukturuar kriminal.
"Erion Veliaj, përpara se të prishë provat në zyrën e tij në bashki, duhet që menjëherë të shkojë përpara drejtësisë, pasi ai është urdhëruesi dhe përfituesi kryesor i të gjithë korrupsionit galopant që ka ndodhur dhe po ndodh në Bashkinë Tiranë. Nëse Altin Dumani vijon amnistinë për Erion Veliajn, ta ketë të qartë se hajdutin e Tiranës, nuk do ta amnistojnë kurrë opozita shqiptare, Partia Demokratike dhe qytetarët e Tiranës", tha Këlliçi.
Ai paralajmëroi se grupi i ekspertëve pranë PD-së po përgatit ndërkohë një kallëzim të ri penal, për korrupsionin dhe vjedhjet e Erion Veliajt në Bashkinë Tiranë.
Këlliçi ftoi kryeqytetasit të marrin pjesë në protestën e 15-të që pritet të zhvillohet ditën e premte para Bashkisë së Tiranës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
