Katie Holmes do e shohim si shkrimtare, regjisore dhe aktore në një film artistik të quajtur “Alone Together”.
Filmi, i cili u xhirua kur filloi shpërndarja e vaksinave të para për Covid-19, përqendrohet rreth dy të panjohurve që përfundojnë duke kaluar një javë së bashku në një shtëpi me qira në veri të Nju Jorkut pasi gabimisht pronarët e shtëpive kishin pranuar rezervimin e të dyve. Dy personazhet e nisin ‘bashkëjetesën’ si dy njerëz që urrehen por më pas fillojnë të ndjejnë për njëri-tjetrin.
Holmes thotë se ndjehet shumë krenare që arriti të bënte një film e gjitha vetë, në një kohë të shkurtër.
“Ndihem shumë e kënaqshëm. Është filmi im i dytë që kam drejtuar dhe ndihem sikur është hera e parë. Jam krenare që arrita të kem një film të gjithin të bërë nga unë, me ndihmën e personave që kanë qenë pranë meje”.
Aktori Jim Sturgess luan rolin kryesor dhe ka treguar se në fillim ishte i frikësuar.
“Isha kurioz dhe pak i frikësuar. Nuk do të gënjej. Nuk e kam menduar ndonjëherë se do jem pjesë e një filmi të bërë në një kohë të shkurtër.
Më pas isha i lumtur që pranova. Është bukur që të kesh Holmes si regjisore dhe partnere në aktrim”, tha ai.
“Alone Together” del në disa kinema më 29 korrik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
