.png)
Alarm në Kaliforninë jugore për shkak të rrezikut të një katastrofe mjedisore, pasi më shumë se gjysmë milioni litra naftë, të derdhur nga një platformë në det, është përhapur në zonat e plazhit amerikan.
Një ngjarje, e cila sigurisht nuk i pa në humor të mirë sërfistët e shumtë të Huntington Beach, një parajsë e vërtetë për ata që e duan këtë lloj sporti, në Orange County, Kaliforni, dyzet kilometra në jug të Los Anxhelesit.
Por edhe për Newport Beach aty pranë, nuk ishte një fillim i shkëlqyeshëm i fundjavës. Në horizont, së pari, dhe më pas ndërsa shtrihej si një “llavë” e madhe, derdhja e naftës nga një tubacion i prishur, e bëri të qartë rëndësinë e katastrofës mjedisore që filloi të derdhej në plazh.
Të parët që kuptuan se çfarë po ndodhte ishin sërfistët, të alarmuar nga ngjyra e detit dhe peshqit e shumtë të ngordhur të dalë në breg nga rryma.
Menjëherë, u bë e ditur se ekuivalenti i tre mijë fuçive me naftë të humbura, ishte derdhur në det në një sipërfaqe prej 33 kilometrash katrorë.
Natyrisht, autoritetet lokale shkuan menjëherë në bregdet. Ashtu si Kryetari i Bashkisë së Huntington Beach, Kim Carr, i cili, pasi vuri në dukje se katastrofa ishte vetëm pesë milje nga bregu, menjëherë dha alarmin për atë që të njëjtat agjenci e konsiderojnë si një nga derdhjet më të mëdha të naftës të dekadave të fundit.
Ndërkohë, po bëhet gjithçka për të provuar të kontrollohet karburanti me barriera mbrojtëse, ashtu si zhytësit do të përpiqen të kuptojnë origjinën e rrjedhjes nga tubacioni. Nuk u desh shumë kohë për të parë efektet e menjëhershme të një katastrofe të kësaj madhësie.
“Në Talbert Marsh, një rezervë e rëndësishme ekologjike në zonë, dëmet e konsiderueshme tashmë janë përllogaritur”, – vuri në dukje Katrina Foley, mbikëqyrëse e Orange County.
Por, siç ndodh për fat të keq në këto raste, imazhet flasin vetë, duke sugjeruar shtrirjen e katastrofës mjedisore: një rosë e mbuluar tërësisht me vaj u shpëtua nga Roja Bregdetare.
Efektet afatgjata për faunën detare
Për fat të mirë, tubacionet e tjera në zonë kanë mbyllur tashmë të gjitha platformat e tyre menjëherë pas katastrofës.
Që nga 1 tetori i kaluar, në Huntington, ka nisur të zhvillohet “Pacific Airshow” tradicional dhe shumë i popullarizuar, një ngjarje që feston dashurinë dhe patriotizmin e aviacionit. Por menjëherë pasi u kuptua se çfarë kishte ndodhur, ngjarja u pezullua.
Dhe nuk mungojnë reagimet e hershme politike. Michelle Steel, përfaqësuese për Partinë Republikane të qarkut, i bëri thirrje presidentit të Shteteve të Bashkuara, Joe Biden, që të deklarojë fatkeqësinë serioze mjedisore sa më shpejt të jetë e mundur: “Vetëm në këtë mënyrë fondet do të ndaheshin shumë shpejt për punimet e bonifikimit në zonë”.
Dhe tani, frika më e madhe, është se derdhja e naftës në brigjet e Kalifornisë mund të ketë të njëjtat efekte dëmtuese që ndodhën njëmbëdhjetë vjet më parë në incidentin e Deep Water Horizon pranë Gjirit të Meksikës, kur derdhja në det prej 300 mijë tonësh naftë, shkaktoi zhdukjen e një ekosistemi të tërë detar: nga krijesat e rralla tek delfinët.
Për vite pas katastrofës dhe me rritjen e reduktuar, lëndimet dhe sëmundjet e faunës detare ishin të mëdha. Sigurisht, përgjatë këtyre brigjeve deri pak orë më parë praktikisht të pakontaminuaar, është e nevojshme të veprohet shpejt.
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
