Gazeta Si – Në Katar hidhet nesër shorti i Botërorit 2022, që starton në muajin nëntor. Sipas “L’Equipe”, organizatorët kishin ftuar në këtë eveniment yllin e Francës, Kilian Mbape, i cili do të ishte edhe ylli i mbrëmjes në Doha, por sulmuesi ka refuzuar.
Mbape ishte protagonist me kombëtaren e tij në Rusi 2018, ndërsa tani është ndër lojtarët më të mirë të PSG-së, që ka pronarë nga Katari. Pas kontakteve nga Doha me Federatën Franceze të Futbollit dhe PSG-në, ka qenë vetë futbollisti që i ka thënë “Jo” ftesës për të qenë i pranishëm në short. Me siguri sheikëve nuk u ka pëlqyer kjo gjë, por tani duhet të gjejnë një tjetër emër të njohur.
Kilian Mbape ndërkohë është edhe në qendër të merkatos, ku kalimi i tij te Real Madrid duket gjithmonë e më afër, por asgjë nuk mund të përjashtohet në këtë moment, as qëndrimi te PSG.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
