.png)
Gazeta Si – Tensitja franceze, numri 4 në botë, fitoi me meritë titullin më të rëndësishëm në karrierën e saj. Garsia kompletoi një rrugëtim të gjatë, që pas dy vitesh të vështira e ngjiti në majat e tenisit botëror.
‘Aeroplani’ i Karoline Garsias është ulur mbi trofeun e ‘Wta Finals 2022’. Tenistja franceze shënoi në këtë turne arritjen më të madhe të karrierës, duke u shpallur kampione. Ajo ishte “maestroja” e këtij edicioni të Fort Worth në Texas, që nuk do të mbahet mend si më spektakolari, por prestigji mbetet po ai.
Flying high ✈️@CaroGarcia completes her dream week with a 7-6(4), 6-4 victory over Sabalenka.#WTAFinals pic.twitter.com/pMTRtG6b8G
— wta (@WTA) November 8, 2022
Garsia mundi në një finale të bukur Arina Sabalenkën, 7-6 dhe 6-4. Sabalenka edhe një herë tjetër humbi titullin, por këtë herë nuk është vetëm faji i saj. Francezja ishte thjesht më mirë se bjellorusja jo vetëm në momentet kruçale të ndeshjes, por edhe në gjëra të vogla.
Shërbimi mbi të gjitha ishte ‘arma’ kryesore e Garsias, e cila realizoi 11 ejs në total, 10 vetëm në setin e parë. Një rendiment i nivelit të lartë, që e detyroi Sabalenkën të dorëzohej, edhe pse i provoi të gjitha.
CARO CONQUERS FORT WORTH 🙌@CaroGarcia wins the biggest title of her career 🏆#WTAFinals pic.twitter.com/HZxl4CHHv2
— wta (@WTA) November 8, 2022
Dhe Garsia fluturoi si një aeroplan, që prej kohësh është simbol i festimeve të saj në fushë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
