.png)
Gazeta Si – Karlos Alkaraz ka dominuar finalen e turneut ATP 500 të Queen’s në barin londinez. Tenisti spanjoll, kokë serie numër 1 në këtë turne, mundi australianin Aleks de Minaur në dy sete, me rezultatin 6-4, 6-4, pas 1 orë e 36 minutash lojë.
Për Alkaraz ky është turneu i 11-të i fituar në karrierë dhe i pari në fushat me bar. Prej së hënës ai do të rikthehet numri 1 në botë në klasifikimin Atp, kështu që do të jetë kokë serie numër 1 edhe në turneun e Uimbëlldonit, Slam-i 3-të sezonal.
NUMERO UNO ☝️🏆
— ATP Tour (@atptour) June 25, 2023
The moment @carlosalcaraz claimed the Queen's title on his tournament debut!@QueensTennis | #cinchChampionships pic.twitter.com/xbe4hPxKt9
“Ky titull do të thotë shumë për mua, është hera e parë që luaj këtu dhe tani e di se cili është niveli im në bar. Është diçka speciale të fitosh”, – ka thënë Alkaraz pas fitores në Queen’s. “Të kthehem në vend të parë para Uimbëlldonit më motivon më shumë, por nuk ndryshon shumë gjëra”, – shtoi më tej spanjolli.
🏆 𝐊𝐈𝐍𝐆 𝐂𝐀𝐑𝐋𝐈𝐓𝐎𝐒 🏆@carlosalcaraz | #cinchChampionships pic.twitter.com/FdFmmnuMLS
— ATP Tour (@atptour) June 25, 2023
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
