.png)
Gazeta Si – Tenisti spanjoll ruan pozicionin e numrit 1 në botë. Ai e nisi keq finalen e Uimbëlldonit, më pas rikuperoi dhe në fund arriti të mposhtë pas 5 setesh betejë spaicialistin serb, që braktis kështu ëndrrën e Grande Slam-it.
A new name. A new reign. 🇪🇸@carlosalcaraz, your 2023 Gentlemen's Singles champion#Wimbledon pic.twitter.com/3KNlRTOPhx
— Wimbledon (@Wimbledon) July 16, 2023
“Jo në kopshtin tim”, – duhet të ketë menduar Roxher Federer. ‘Jo rekordin tim!” – duhet të jetë lutur Margaret Court, “Jo Grande Slam-in tim!” – ka thënë me vete Rod Laver. Dhe në fund rekordi i 8 Uimbëlldonëve të Federer ka shpëtuar, ashtu si rekordi i 24 Slam-ve të lojtares australiane dhe ‘Rocket Man’ mbetet i vetmi në histori, për momentin, që ka fituar 4 turnetë Major në të njëjtin sezon.
The Spanish sensation has done it 🇪🇸@carlosalcaraz triumphs over Novak Djokovic, 1-6, 7-6(6), 6-1, 3-6, 6-4 in an all-time classic#Wimbledon pic.twitter.com/sPGLXr2k99
— Wimbledon (@Wimbledon) July 16, 2023
Uimbëlldoni sheh të festojë mbretin e ri spanjoll, Karlos Alkaraz, që ka ndalur vrapin e Novak Gjokoviç, duke e mundur 1-6, 6-3, 6-1, 3-6, 6-4. Në moshën 20-vjeçare, 16 vjet më i ri se Gjokovciç, ai është lojtari i 3-të më i ri që triumfon në fushat me bar të Church Road, pas Beker dhe Borg. Karlos ruan kështu fronin e numrit 1 në botë dhe e zgjat mbretërimin e tij në 29 javë.
It's all yours, @carlosalcaraz 🏆#Wimbledon pic.twitter.com/EuXoqQjZkp
— Wimbledon (@Wimbledon) July 16, 2023
Ishte një finale që zgjati gati 5 orë dhe dhuroi spektakël, tenis të nivelit të lartë, duke kënaqur të pranishmit, mes tyre edhe shumë personazhe VIP.
Gjokoviç e nisi shumë mirë, Alkaraz ia doli të fitonte me ‘tie-break’ setin e dytë dhe më pas të kalonte në avantazh 2-1. ‘Nole’ e mori veten në setin e 4-t, por në setin vendimtar spanjolli ishte i papërmbajtshëm dhe fitoi turneun e 2-të Slam në karrierë, të parin në Uimbëlldon.
These emotions say it all😲#Wimbledon pic.twitter.com/1iGe11oHRK
— Wimbledon (@Wimbledon) July 16, 2023
Alkaraz ka fituar 3-2 dhe ka mbajtur kështi vendin e parë në renditjen Atp. Ky është suksesi i dytë Slam pas US Open 2022. Është dorëzuar pas një finaleje të madhe Novak Gjokoviç, që dështon në turneun anglez pas më shumë se 10 vitesh pa humbje.
A new name etched into #Wimbledon folklore ✍️ pic.twitter.com/uUUbUfxTsR
— Wimbledon (@Wimbledon) July 16, 2023
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
