.png)
Gazeta Si - Një shumë e konsiderueshme parash është sekuestruar nga Policia e Fierit pas ndalimit për kontroll të një automjeti në “Kthesën e Verrisë”.
Makina drejtohej nga një 28-vjeçar me iniciale R.Ç., person me precedent të theksuar kriminal.
Gjatë kontrollin në automjetin Nissan të të riut u gjetën 97,540 Euro dhe 3000 Paund, për të cilat 28-vjeçari nuk kishte dokumentacion që të vërtetonte burimin e parave.
Shumat monetare u sekuestruan nga policia, ndërsa 28-vjeçari banues në Kamzë u procedua penalisht në gjendje të lirë për veprën penale pastrim parash. I riu është person me precedent të theksuar kriminal në fushat e plagosjes dhe të vjedhjes së pronës e pasurisë.
Policia vijon hetimet për dokumentimin e plotë ligjor të burimit të të ardhurave të shtetasit R. Ç., si dhe nëse ky shtetas është i implikuar në veprimtari të tjera kriminale.
Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
